महाराष्ट्र हेडलाईन्स : नागपूर जिल्ह्यातील कन्हान नदीवरील नेरी पुलावर एका दाम्पत्याने निर्माल्य टाकण्यासाठी कार थांबवली. दोघे कारमधून उतरले. काही क्षण एकमेकांसोबत घालवत दोघांनी मोबाईलवर सेल्फी घेतला. काही कळण्याच्या आत  २३ वर्षीय महिलेने अचानक पुलावरून नदीत उडी (Nagpur Crime) मारली. जीवन यात्रा संपवली. ही विचित्र घटना शनिवारी (दि.५) दुपारी घडली. ज्ञानेश्वरी विजय साकोरे (वय २३) मृत महिलेचे नाव आहे.  काचूरवाही (ता. रामटेक) गावातील रहिवासी आहे. (Vidarbha incident: A car was stopped to drop Nirmalya on the Neri bridge over the river.. The two even took selfies on their mobile phones, but what happened next was absolutely shocking...!)

साकोरे यांना आश्चर्याचा बसला जबर धक्का:

ज्ञानेश्वरी व विजय साकोरे हे दाम्पत्य सध्या नागपूरच्या मानेवाडा येथे राहत होते. शनिवारी दुपारी ३ वाजताच्या सुमारास साकोरे दाम्पत्य कारमधून काचूरवाही गावाकडे जात होते. या दरम्यान कार कन्हान नदीच्या नेरी पुलावर आली असता निर्माल्य टाकण्यासाठी कार थांबली आणि त्यानंतर दोघांनी सोबत काही वेळ त्या पुलावर घालवला. या दरम्यान, दोघांनी मोबाईलवर सेल्फी देखील घेतला. मात्र, काही क्षणात ज्ञानेश्वरीने अचानक पुलावरून नदीत उडी मारली. हे दृश्य पाहताच पती विजय साकोरे यांना आश्चर्याचा जबर धक्का बसला. त्यांनी आरडाओरडा केला. मात्र जवळपास कुणीही नसल्याने कुठलीही मदत मिळू शकली नाही. नंतर उशिरा घटनेची माहिती मिळताच नवीन कामठी पोलिस तातडीने घटनास्थळी दाखल झाले.

दोन दिवस नदीपात्रात शोध मोहीम :

दरम्यान, पोलिसांनी स्थानिक गोताखोरांच्या मदतीने तात्काळ शोधमोहीम राबवली. बऱ्याच काळ शोध घेऊनही ज्ञानेश्वरीचा शोध लागला नाही. अखेर सायंकाळ होताच अंधार पडल्यामुळे शोधकार्य थांबवावे लागले. त्यानंतर दुसऱ्या दिवशी रविवारी सकाळपासून पुन्हा एकदा शोधकार्य सुरू करण्यात आलं.

ज्ञानेश्वरीने टोकाचं पाऊल का उचललं?:

एकंदरीत या प्रकरणात ज्ञानेश्वरीने एवढं मोठं टोकाचं पाऊल नेमकं का उचललं? आणि त्यामागील सत्य काय? हे अद्याप कळू शकलेलं नाही. सध्या पोलीस त्या दिशेने तपास करत आहे.मात्र  या धक्कादायक घटनेमागे कौटुंबिक वाद कारणीभूत असावा, अशी चर्चा आता रंगू लागली आहे. सध्या पोलिसांनी विजय साकोरे याचाही जबाब नोंदवला असून पुढील तपास कामठी पोलीस करत आहेत.