महाराष्ट्र हेडलाईन्स : Mahurgad : माहूरगडावरील श्री रेणुका माता मंदिरात नवमीला बुधवारी (दि.१ ऑक्टोंबर) सकाळी ७ वाजता वेद घोषात मुख्यदेवता श्री रेणुका मातेच्या वैदिक महापूजेस प्रारंभ झाला व सकाळी ११.३० वाजता जांभळा रंगाचे महावस्त्र परीधान करण्यात आले. पायस नैवेद्य व महाआरती करण्यात आली. छबिना काढुन परिवार देवतांचे पुजन करण्यात आले. सायंकाळी शतचण्डी, महायज्ञाची पुर्णाहूती, महानैवेद्य दाखविण्यात आले.
(navratri-concludes-with-purnahuti-yajna-at-mahurgad)

दरम्यान, आज रेणुका माता सिद्धिदात्री रुपात असून जांभळ्या रंगाचे महावस्त्र परिधान करण्यात आले आहे.  त्यामुळे देवीचे मनमोहक रूप दिसत आहे. आज पूर्णाहुती यज्ञ झाल्यानंतर घटस्थापना केलेल्या घटाना पूजन करून माळावर ठेऊन घट हलविण्यात आला. त्यानंतर उपवासाची व देवीच्या नवरात्रीची सांगता करण्यात आली, असे मुख्य पुजारी शुभम भोपी यांनी सांगितले.

अष्टमीच्या होम हवन विधीला सात वाजता हवनाला सुर्वात झाली. परंपरागत मुख्य पुजारी भवानीदास भोपी, उज्वल भोपी, संभाजी भोपी, शुभम भोपी, समीर भोपी, अमित भोपी, रुद्र भोपी हवनाला आहुती दिल्या. परिवार देवतेचा मानसन्मान पूजा नेवैद्य भोपी परिवारातील सदस्यांनी पारंपरिक पद्धतीने केले तसेच चंद्रकांत भोपी संजय कांबळे व इतर ब्राम्हण वृंद उपस्थित होते. अजाबळी हा विधी करण्यात आला. कुमारिका पूजन करण्यात आले. रात्रीची विशेष महापूजन कुळधर्म कुलाचार शृंगार मळवट भरून देवीला पैठणी वस्त्र अर्पण करून महानेवेद्य अर्पण करून दुसरी महाआरती शक्तिपूजक शुभम संभाजी भोपी यांच्या हस्ते करून ९ व्या अध्याय सुरु झाला.  

आज परशुरामाची पालखी  :

माहूर गडावर आज दशमीच्या (गुरुवारी)दिवशी ध्वजपूजन, श्री रेणुकामातेची महापूजा, महाआरती, शस्त्रपूजन, भगवान परशुरामाची पालखी, सीमोल्लंघन, महाआरती होणार आहे. 

श्री रेणुका माता मंदिरावर आकर्षक विद्युत रोषणाई :

 श्रीक्षेत्र माहूर गडावर नवरात्र उत्सव स अत्यंत उत्साहात साजरा होत आहे. मंदिर संस्थान कडून - मंदिरावर आकर्षक अशी विद्युत रोषणाई करण्यात आली आहे. देखण्या सुंदर रितीने श्री रेणुका मंदिराला वेगवेगळ्या रंगाची झगझगीत विद्युत रोषणाई केल्याने मंदिर आणि परिसर उजळून गेला आहे. गडावर येणाऱ्या रस्ताच्या दोन्ही बाजूने विद्युत रोषणाई केल्याने रात्री गडावर येणासाठी भाविकांना त्रास होत नसून रस्त्यावर प्रखर असा उजेड पडला आहे. विद्युत रोषणाईमुळे देवीभक्तांना देवीचे मंदिर रात्रीच्या वेळी लांबवरून आकर्षित करत आहे.