महाराष्ट्र हेडलाईन : Approval for two railway lines :  केंद्र सरकारने महाराष्ट्राच्या विकासाच्या दृष्टीने महत्त्वाचे निर्णय घेतले आहेत. यात रस्ते महामार्गांचे काम पूर्ण झाल्यामुळे दळणवळणाच्या सुविधा वाढल्या आहेत. रस्त्यांचे जाळे सर्वत्र पसरले आहे. गेल्या अनेक वर्षापासून रखडलेली कामे मार्गी लागत आहेत. आता नव्याने महाराष्ट्रातील दोन रेल्वे मार्गांना मंजुरी दिली आहे. सरकारच्या या निर्णयामुळे महाराष्ट्रातील नागरिकांना खूप फायदा होणार आहे. दोन मोठ्या प्रकल्पांना मंजुरी दिली असून हे प्रकल्प ११ हजार ४२० कोटी रुपयांचे असणार आहेत. या रेल्वे मार्गामुळे महाराष्ट्र शेजारच्या राज्याला जोडला जाणार आहे. (Central government's Diwali gift to Maharashtra...!; Citizens will benefit a lot)

३१४ किलोमीटर लांबीचा रेल्वे मार्ग :

केंद्रीय मंत्रिमंडळाच्या बैठकीत महत्त्वाचा निर्णय घेतला आहे. यामध्ये भुसावळ ते वर्धा तिसऱ्या आणि चौथ्या रेल्वे मार्गिकेला मंजुरी देण्यात आली आहे. हा रेल्वे मार्ग ३१४ किलोमीटर लांबीचा असणार आहे. या प्रकल्पाचा खर्च ९११७ कोटी रुपये असणार आहे. या रेल्वे मार्गाचं काम २०३० पर्यंत पूर्ण होईल.

गोंदिया ते दोडग दरम्यान नवा रेल्वे मार्ग :

केंद्र सरकारने आणखी एक नवा रेल्वे मार्गाला मंजुरी दिली आहे. यामुळे महाराष्ट्र आणि छत्तीसगड जोडले जाणार आहे. हा नवीन रेल्वे मार्ग गोंदिया ते दोडग दरम्यान होणार आहे. हे कामदेखील २०३०-२१ पर्यंत पूर्ण होईल, असं सांगण्यात येत आहे. हा रेल्वे मार्ग ८४.१० किलोमीटर लांब असणार आहे.

मालवाहतूकीसाठी बायपास तयार होणार :

या नवीन रेल्वे मार्गामुळे महाराष्ट्र आणि छत्तीसगड राज्ये जोडली जाणार आहे. यामुळे दुरंग जंक्शन आणि नागपूर, बल्लारशाह जंक्शनमधील मालवाहतूकीसाठी बायपास तयार होणार आबे. या मार्गामुळे शेती, खाणकाम अशा अनेक व्यवसायांना चालना मिळणार आहे.