महाराष्ट्र हेडलाईन्स : Compensation for crop damage :  ज्या शेतकरी यांचे खात्यावर शासनाकडून मदतीची रक्कम जमा करण्यात आली आहे, त्या शेतकरी यांचे खात्यावर जमा झालेली मदतीची रक्कम बँकांनी कर्ज खात्यात अथवा इतर वसुलीसाठी वळती करु नये, असे निर्देश जिल्हाधिकारी यांनी जिल्हा अग्रणी बँक व जिल्हा उपनिबंधक सहकारी संस्था यांना दिले आहेत.
(Do not transfer crop damage assistance to loan account; District Collector of 'Ya' district instructs banks and cooperative societies)

 ५५३.३४ कोटी रुपये मदत निधी मंजुर केला :

नांदेड जिल्ह्यात माहे ऑगस्ट २०२५ मध्ये अतिवृष्टी व पुर यामुळे ७,७४,३९३ इतक्या शेतकरी यांचे ६,४८,५३३.२१ हेक्टर क्षेत्रावरील पिकांचे नुकसान झाले होते. त्या अनुषंगाने जिल्हा प्रशासनाचे अहवालावरुन शासनाने एकूण ५५३.३४ कोटी रुपये मदत निधी जिल्ह्यातील बाधित शेतकरी यांना वाटप करण्यासाठी मंजुर केला आहे. सदरची मंजुर रक्कम बाधित शेतकरी यांना ऑनलाईन प्रणाली‌द्वारे वाटप करण्यात येत असुन आता पर्यत जिल्ह्यातील ४,८२,६७४ इतक्या शेतकरी यांना ३६२.०३ कोटी इतक्या रकमेचे वाटप करण्यासाठीची माहिती ऑनलाईन प्रणालीवर संबंधीत तहसील कार्यालयातून भरण्यात आली आहे. उर्वरीत शेतकरी यांची माहिती संगणकीय प्रणालीवर भरण्याची कार्यवाही सुरु आहे.

माहिती भरण्यात आलेल्या शेतकरी यांचे वि.के. नंबर त्या गावचे तलाठी यांचे मार्फत गावात प्रसिध्द करण्यात आले आहेत. सदर वि.के. नंबर द्वारे सेतू सुविधा केंद्रावर जाऊन ई-केवायसी पूर्ण करणाऱ्या शेतकरी यांच्या खात्यावर थेट मदतीची रक्कम डिबीटी पध्दतीने शासनामार्फत जमा होत आहे, असे जिल्हा प्रशासनाकडून सांगण्यात आले आहे.