महाराष्ट्र हेडलाईन : largest district in the world : जिल्ह्याचे महत्त्व हे प्रशासकीय व्यवस्थापन, विकास आणि स्थानिक गरजा पूर्ण करण्यामध्ये आहे. जिल्ह्यामुळे मोठ्या राज्यांचे विभाजन होते, ज्यामुळे प्रशासन अधिक कार्यक्षम आणि लोकाभिमुख होते. तसेच, कायदा आणि सुव्यवस्था राखणे, महसूल गोळा करणे आणि विकासात्मक योजनांची अंमलबजावणी करणे यांसारख्या महत्त्वाच्या प्रशासकीय कामांसाठी जिल्हा एक केंद्र म्हणून काम करतो. 

पण, आपल्याला हे माहीत आहे का जगातील सर्वात मोठा जिल्हा कोणता आहे? जो महाराष्ट्रापेक्षाही मोठा..! आहे. अनेकांना याचे उत्तर देता येणार नाही. जगातील सर्वात मोठा जिल्हा हा चीनमध्ये आहे. छेतान असे या जिल्ह्याचे नाव आहे, काही ठिकाणी याचा उल्लेख खोतान असा देखील केला जातो. 

क्षेत्रफळ जवळपास 67,870 वर्ग... 

जगातील हा सर्वात मोठा जिल्हा चीनच्या शिनजियांग प्रांतामध्ये आहे. या जिल्ह्याचे क्षेत्रफळ जवळपास 67,870 वर्ग किलोमीटर आहे, या जिल्ह्याचे क्षेत्रफळ हे महाराष्ट्रापेक्षाही जास्त आहे. तसेच हा जिल्हा यूनायटेड किंगडमपेक्षाही जास्त मोठा आहे. चीनमध्ये जिल्ह्यांना काउंटी असे म्हटले जाते. चीनमध्ये जवळपास 1,300 ते 1,400 काउंटी अर्थात जिल्हे आहेत, याची संख्या वेळोवेळी कमी -अधिक होत असते, तर चीनमध्ये प्रातांला किंवा राज्याला प्रोविंस असे म्हटले जाते, त्यानंतर विभाग स्तर येतो इथे विभाग स्तराला प्रीफेक्टर असे म्हटले जाते, तिसरा क्रमांक हा काउंटी अर्थात जिल्ह्याचा येतो, मग शहर गाव असा क्रमांक लागतो.

काउंटीप्रमुखाला जिल्हाधिकाऱ्याचा दर्जा... 

चीनमध्ये प्रत्येक काउंटीला एक काउंटीप्रमुख असतो, जसा भारतामध्ये प्रत्येक जिल्ह्यासाठी एक जिल्हाधिकारी असतो, तोच दर्जा चीनमध्ये काउंटीप्रमुखाचा असतो. काउंटीचे सर्व अधिकार या अधिकाऱ्याकडे असतता. जिल्ह्यातील सर्व प्रमुख निर्णय हा अधिकारीच घेतो, तसेच याच्या समकक्ष आणखी एक अधिकारी देखील काउंटीमध्ये असतो, सर्व प्रमुख प्रशासकीय कामांची जबाबदारी ही या दोन अधिकाऱ्यांवर असतो. हे अधिकारी जिल्हा स्थरावर कोणतेही निर्णय घेवू शकतात. अर्थात त्यावर त्यांच्यापेक्षा वरच्या यंत्रणांचं नियंत्रण हे असंतच.