महाराष्ट्र हेडलाईन : Chandrakant Patil's announcement in nanded : आजपासून पदवी प्राप्त विद्यार्थ्यांचा आयुष्याचा नवा अध्याय सुरू होत आहे. समाजाला आपल्या शिक्षणाचा कसा उपयोग होईल हा प्रयत्न व्हावा. तुम्ही घेतलेले शिक्षण आव्हांना उपयोगी पडले पाहिजे. स्वत: सह अनेकांना रोजगार देणारे उद्योजग व्हा, असा मूलमंत्र राज्याचे उच्च व तंत्रशिक्षण मंत्री चंद्रकांत पाटील यांनी विद्यार्थ्यांना दिला. तसेच राज्यातील विद्यापीठांमधील ७०० जागा भरण्यास शासनाने दोन वर्षांपूर्वीच मान्यता दिली. दरम्यान, भरतीत होणारा भ्रष्टाचाराचा मुद्दा उपस्थ‍ित करण्यात आला. यासाठी लोकसेवा आयोगाकडून रिक्त पदे भरली जावीत, असा विचार पुढे आला. परंतू, तो व्यवहार्य नाही, असे सांगण्यात आले असून आता नवीन पर्याय काढण्यात येत आहे. त्यामुळे लवकरच विद्यापीठांतील प्राध्यापकांची भरती प्रक्रिया पूर्ण करण्यात येईल,असे मंत्री पाटील यांनी सांग‍ितले.

(Five and a half thousand professor posts will be filled; Minister Chandrakant Patil's announcement)

नांदेड येथील स्वामी रामानंद तीर्थ मराठवाडा विद्यापीठाचा २८ वा दीक्षांत समारंभ शनिवारी (दि.२०) झाला. यावेळी १९,४०० विद्यार्थ्यांना पदवी, पदविका प्रमाणपत्र देण्यात आली या प्रसंगी मंत्री पाटील बोलत होते. अध्यक्षस्थानी विद्यापीठाचे कुलगुरु डॉ. मनोहर चासकर हे होते. त्यांच्या समवेत प्रमुख पाहुणे म्हणून अवंतिका विद्यापीठ उज्जैनचे कुलपती तथा आय.आय.टी., कानपुरचे माजी संचालक पद्मश्री डॉ. संजय गोविंद धांडे, विद्यापीठाचे प्र-कुलगरू डॉ. अशोक महाजन, व्यवस्थापन परिषदचे सदस्य डॉ. प्रशांत पेशकार, डॉ. संगीता माकोने, डॉ. संतराम मुंढे, नरेंद्र चव्हाण, नारायण चौधरी, हनमंत कंधारकर, डॉ. डी. एन. मोरे, डॉ. सुरेखा भोसले, सहसंचालक डॉ. बाबासाहेब भोसले, कुलसचिव डॉ. ज्ञानेश्वर पवार, वित्त व लेखाधिकारी डॉ.पराग भालचंद्र, परीक्षा व मूल्यमापन मंडळाचे संचालक हुशारसिंग साबळे, विद्याशाखेचे अधिष्ठाता डॉ. एम. के. पाटील, डॉ. डी. एम. खंदारे, डॉ. पराग खडके, डॉ. चंद्रकांत बाविस्कर यांची उपस्थिती होती.

पुढे बोलताना मंत्री चंद्रकांत पाटील म्हणाले, एनआयआरएफ मधील रँकिंगमध्ये नेहमी रिक्त पदांचा विषय समोर येतो. तोही प्रश्न आता मार्गी लागेल. विद्यापीठांनी संशोधन, प्लेसमेंन्टवर भर देवून रँकिंग वाढविण्याकडे लक्ष द‍िले पाहिजे. विद्यापीठ एवढे समृध्द पाहिजे कि बाहेर देशातील विद्यार्थी येथे आले पाहिजेत. स्वारातीम विद्यापीठात सध्या तीन देशातील विद्यार्थी येथे शिकतात. हा अकडा ३० झाला पाहिजे. तसेच साडेपाच हजार प्राध्यापाकांच्या व २ हजार ९०० प्रशासकीय कर्मचारी यांच्या नवीन भरतीस अर्थ विभागाने मंजूरी दिली असून त्याचीही प्रक्रिया सुरू आहे, असे मंत्री पाटील यांनी सांगितले. यावेळी दीक्षान्त समारोहाचे अध्यक्ष विद्यापीठाचे कुलगुरु डॉ. मनोहर चासकर यांनी विद्यापीठाच्या वैशिष्ठेपूर्ण उपक्रमासह विद्यापीठाच्या महत्त्वपूर्ण बाबींचा अहवाल सादर केला. सूत्रसंचालन डॉ. पी. विठ्ठल यांनी केले. 

एकलव्य घडवावेत : डॉ धांडे 

पद्मश्री डॉ. धांडे म्हणाले, कोविडनंतर या बदलांचा वेग अधिक वाढला आहे. या बदलत्या परिस्थितीत काही कौशल्य कालबाह्य होतात, तर काही नवीन कौशल्यांची निर्मिती होते आणि ह्याच कौशल्यांची मागणी असते. स्वतः नवीन कौशल्ये आत्मसात करण्याची क्षमता ही आजच्या जगातली खरी आवश्यकता आहे. या संदर्भात मला एकलव्याची कथा फार महत्त्वाची वाटते. त्यांनी धनुर्विद्या स्वतः शिकली आणि आत्मसात केली. गुरुदक्षिणा म्हणून त्याने आपला अंगठा अर्पण केला आणि त्यानंतर आपल्या पायांच्या साहाय्याने धनुर्विद्या अवगत केली. त्यामुळे आजच्या काळात आपल्याला अनेक असे एकलव्य घडवावेत लागतील. अशा व्यक्तीला आपण डिजिटल एकलव्य म्हणू शकतो.

सर्वाधिक सुवर्णपदक मुलींना :

याप्रसंगी विद्यापीठातून विविध विषयामध्ये सर्वाधिक गुण घेणारे सयदा तयबा, सागर गोरगिळे, तनिषा चव्हाण, रत्नशील सोनकांबळे, प्रसाद बोडखे, जहीर काझी, नाजिया शेख, वैष्णवी साकोळे, गायत्री चव्हाण, अंजुम बानू, सना गाडीवान, पद्मश्री मुसळे, अवंतिका पवार, अकिब अहेमद, अंजली बिरादार, आरती रोडगे, ऐश्वर्या नादे, हुडा दुरानी, बलजींदरकौर कांचवाले, गोविंद टीथे, कोमल धुमार, मनदीप तुलसाणी, गीता गुणाळे, सरस्वती लंगुटे, जीगिशा देशपांडे, सिंधुताई पाटील, नेहा कुरील, प्रतिभा जाधव, ऐश्वर्या कुलकर्णी, व्यंकट पांचाळ, कल्पना गाजरे, सुषमा पाटील, संयुक्ता कोचुरे, गायत्री सोळंकी, काजल वाघमारे, दीपिका यादव, विजया कांबळे, प्रतिमा मजगे, कैलास आघाव आणि नरसिंग बुगडे या विद्यार्थ्यांना मान्यवरांच्या हस्ते सुवर्णपदक देवून सन्मानित करण्यात येणार आहे. दुपारच्या सत्रामध्ये मान्यवराच्या हस्ते विद्यावाचस्पती (पीएच.डी.) पदवी प्रमाणपत्राचे वितरण करण्यात आले.