महाराष्ट्र हेडलाईन : Suvasini Creative Group at Mahurgad : सुवासिनी क्रियेटिव्ह ग्रुपला माहूरगड येथे नवरात्रीच्या तिसऱ्या माळेला बुधवारी (दि.२४) रेणुकेच्या चरणी सेवा करण्याची संधी मिळाली. गायन, वादन तसेच विविध नृत्य प्रकारचे सादरीकरण झाले. प्रारंभी श्री भार्गव देशमुख यांचे स्वतंत्र तबला वादन झाले. त्यांनी तीन ताल सादर केला. त्यांना लहेरा साथ सौ. अंजली दीक्षित यांनी केली. त्या नंतर सौ अंजली दीक्षित यांनी गायन सेवा दिली. सुरुवातीला गणेश पंचरत्न स्तोत्र, माझी रेणुका माऊली अमृताहूनी गोड, अबीर गुलाल, वृंदावनी वेणू, कृष्ण गाथा एक गाणे, आम्ही चुकलो जरीतरी काही, अशी एकसे एक सरस गाणी सादर करून रसिक प्रेक्षकांची दाद मिळवली. त्यांना दमदार तबला साथ श्री भार्गव देशमुख यांनी केली. तिसऱ्या सत्रात नृत्य सादरीकरण झाले. त्यात सुरुवातीला कु समृद्धी कंडारकर हिने गणेश स्तुती सादर केली. संतोषी मातेची आरती, गोंधळ, जागर, महाराष्ट्रचे आराध्य दैवत असलेल्या रुक्मिणी पांडुरंगाच्या गाण्यांनी श्रोत्यांना डोलायला लावले. लेझीम, दिवे, दिवट्या, टाळ, झेंडे आदी साहित्यामुळे सर्व नृत्य बहारदार झाली. 'लल्लाटी भंडार, आई भवानी तुझ्या कृपेनें, गौराई माझी रेणुका माझी अंबिका माझी,अंबाबाई गोंधळाला ये, अनादी निर्गुण, आई तुझ्या ग चरणी' आदी गाण्यांनी भाविकांना मंत्र मुग्ध केले. आदिमाया आदिशक्तीच्या जागराने माहूरगड परिसर दुमधुमून गेला.
सौ.रुपाली कंडारकर, सौ. दिपाली आवळे, सौ. मनिषा चौसाळकर, सौ. शारदा करे, सौ. भक्ती केळापुरे, सौ. श्रुतिका देशमुख, कु दीपा वर्मा, कु सायली आवळे, कु नक्षत्रा या कलाकरांनी सेवा सादर केली. सौ. अंजली देशमुख यांनी या कार्यक्रम नियोजन केले . मागील ३ वर्षांपासून रेणुकेची सेवा करण्याची संधी मिळते आहे. माहूर गड संस्थानचे मनापासून धन्यवाद, गृपने मानले आहेत.
