महाराष्ट्र हेडलाईन : Sai Prasad celebrated Diwali : साईप्रसाद परिवारातर्फे विविध सामाजिक उपक्रम राबविण्यात येतात. दिवाळीनिमित्त विष्णुपुरी येथील डॉ. शंकराव चव्हाण वैद्यकीय महाविद्यालय व रूग्णालयात रूग्ण व नातेवाईकांसाठी शनिवारी दिवाळी फराळाचे आयोजन करण्यात आले होते. १२०० गरजवंतानी दिवाळी फराळाचा अस्वाद घेतला असून त्यांच्या मुळे वंच‍ितांची दिवाळी गोड झाली आहे. यावेळी अनेकांना आश्रूअनावर झाले होते. ('Sai Prasad' made Diwali sweet for patients and relatives...! Many in tears)

 रूग्णालयात अखंड अन्नदान :

साईप्रसाद हा बिगर नोंदणीकृत लोकांचा समूह आहे. सेवा हा शब्दावर अढळ श्रध्दा असणाऱ्या समाजातील विविध स्तरांतील व्यक्तींचा या समावेश आहे. हालखीच्या परिस्थ‍ितीतील असणाऱ्या गरजवंतांना सेवा पुरवण्याच्या हेतूने एकत्रित आलेल्या व्यक्तींचा समुह असून पदनाम व कोष यांचा जाणीवपूर्वत समावेश केलेला नाही. शिवाय सेवाही वस्तू स्वरूपातच दिली जाते. केवळ नांदेडच नाही तर, पुणे, औरंगाबाद, मुंबई अशा महाराष्ट्रातील अनेक जिल्हयासह भारतातील व अमेरिका, ऑस्ट्रोलिया, कॅनडा, सिंगापूर आदी ठिकाणी राहणा-या भारतीय लोकही साईप्रसादचे सदस्य असून त्यांच्याकडून या दैवी स्वरूपाच्या कार्यासाठी मदत केली जाते. हे या प्रतिष्ठानचे वैशिष्टये आहे. तसेच विष्णुपुरी येथील डॉ शंकराव चव्हाण वैद्यकीय महाविद्यालय व रूग्णालयात अखंड अन्नदान करण्यात येते. दरम्यान, दिवाळीनिमित्त साईप्रसाद परिवारातर्फे दरवर्षीप्रमाणे यावर्षी देखील विष्णुपुरी येथील शासकीय रुग्णालयात शनिवारी रुग्ण व नातेवाईकांना दिवाळी फराळाचे आयोजन केले होते. यावेळी साईप्रसाद परिवाराला मोठ्या संख्येने गरजवंतानी या सेवेसाठी भरभरून आर्शिवाद दिले.  

तुम्ही आमची दिवाळीच साजरी केली..

हिमायतनगर येथील वृध्द शेतकरी बांधवांला दोन-तीन मिनीटे रडू आले. त्यांना बोलता येत नव्हते. त्यांना सर्वांनी शांत केल्यानंतर मागील तेरा दिवसांपासून आम्ही चारजण दोनवेळा साईप्रसाद परिवारातर्फे येणा-या जेवनावरच आहोत. बाहेरुन विकत घेण्याची आमची ऐपत नाही. आज तर तुम्ही आमची दिवाळीच साजरी केली. आम्हाला घरी असं खायला मिळू शकत नाही. तुमच्या सर्वांना देव नक्की सुखात ठेवील व तुमच्या सर्व ईच्छा पूर्ण होतील हा माझा आर्शिवाद आहे. आजची गर्दी एवढी होती की, मागील तेरा वर्षांच्या सेवेत एवढी गर्दी पाहीली नाही. ख-या अर्थाने आपल्या सर्वांची दिवाळी आज साजरी झाली, असे साईप्रसादच्या वतीने सांगण्यात आले.

आज एक पणती शहीदासाठी :

साईप्रसाद परिवारातर्फे दरवर्षीप्रमाणे यंदाही एक पणती शहीदासाठी कार्यक्रमाचे आयोजन करण्यात आले आहे. हा कार्यक्रम रविवारी (दि.१९) रोजी सायकांळी सात वाजता होणार आहे. पूर्वी २० रोजी होणार होता. तारखेत बदल करण्यात आला आहे. याप्रसंगी सर्व सैनिक बांधवानी सहकुटुंब यावे, असे आवाहन करण्यात आले आहे. हा कार्यक्रम व्दारकामाई, साईप्रसाद अक्षयभोज, कलामंदिरसमोर होणार आहे.