महाराष्ट्र हेडलाईन : Success story milk business : ७० वर्षापूर्वी वाटनी दरम्यान, चंद्रकलाबाई अल्लमखाने आणि प्रभूअप्पा अल्लमखाने या दाम्पत्याच्या हिश्याला दोन म्हशी आल्या होत्या. खचून न जाता त्यांनी दुग्ध व्यवसाय सुरु केला आणि या छोट्या व्यवसायाचे मोठ्या व्यवसायात रूपांतर करून ६० म्हशी खरेदी केल्या. कधी काळी ३० रुपये मिळवणारे दांम्पत्य आज घडीला महिना २५ ते ३० लाख आणि वर्षाकाठी कोठ्यावधी रुपयाचे उत्पन्न मिळवत आहे. त्यांचे हे यश इतरांसाठी प्रेरणादायी ठरत आहे.
हे पण वाचा : कापूस प्रक्रिया उद्योग विकासासाठी अकोला जिल्ह्याचा केंद्र शासनाकडून...
अल्लमखाने दांम्पत्य हे मूळ लातूर जिल्ह्यातील उदगीर येथील रहिवासी आहेत. त्यांना दोन मुली आणि दोन मूल आहेत. ७० वर्षापूर्वी कुटुंबासह नांदेडला वास्तव्यास आले. यावेळी वाटणी दरम्यान हिश्याला आलेले दोन म्हशी होत्या. संसाराचा गाडा चालवण्यासाठी त्यांनी दुग्ध व्यवसाय सुरु केला. चंद्रकलाबाई यांनी गल्लोगल्ली फिरून दूध दही विक्री करत होत्या, तर प्रभू अप्पा हे सायकल वर फिरून दुध विक्री करायचे. हळू हळू त्यांचा हा व्यवसाय वाढू लागला आणि छोटस झाडं मोठ्या वटवृक्षात रूपांतर झाले.
दोन वरून झाल्या ६० म्हशी...
आज घडीला या दांम्पत्याने मेहनत, चिकाटी आणि प्रामाणिकपणाच्या जोरावर दुग्ध व्यवसायात उल्लेखनीय यश संपादन केले आहे. दोन म्हशींवर सुरू केलेला व्यवसाय आज ६० म्हशींवर गेला आहे. यात नुरा, जाफर, पंढरपूरी आणि सोलापुरी या नामांकित जातींच्या म्हशी आहेत. अर्धापूर तालुक्यातील लहान या गावात ९ एकर शेती विकत घेत दुग्धशेतीसाठी आधुनिक शेड उभारले आहे. या शेडचा आकार ६६ बाय ११० फूट असून, म्हशींना स्वच्छता, पाणी आणि चाऱ्याची उत्तम सोय केली आहे.
मुले आणि नातवंडे देखील करतात मदत...
या जागेतच त्यांनी चाऱ्याची लागवड करून म्हशींसाठी आवश्यक खाद्य स्वतः तयार करण्याची व्यवस्था देखील केली आहे. चंद्रकलाबाई आणि प्रभू अप्पा हे दोघे दररोज शेड मध्ये जाऊन म्हशीना चारा पाणी देण्याचे काम करतात. त्यांची मुले आणि नातवंडे देखील त्यांना मदत करतात. या व्यवसायातून अल्लमखाने कुटुंबाला दररोज सुमारे ८० हजार ते एक लाख रुपये इतके उत्पन्न मिळते. महिन्याचे उत्पन्न २५ ते ३० लाख रुपये, तर वार्षिक उत्पन्न तीन कोटी रुपया पेक्षा अधिक पर्यंत पोहचले आहे.
दररोज ८०० लिटर दुधाचे उत्पादन...
सध्या त्यांच्या प्रभू फार्म हाऊस मध्ये छोट्या मोठ्या ६० म्हशी आहेत. दररोज ७०० ते ८०० लिटर दूध उत्पादन होते. हे दूध फक्त विक्रीपुरते न ठेवता, त्यांनी त्यावर मूल्यवर्धन करत पनीर आणि खवा तयार करून बाजारात विक्री सुरू केली आहे. घरीच कारखाना उभारून पनीर, दूध खव्वा यासह पदार्थ तयार करून विक्री करीत असतात. या उत्पादनांची दररोजची विक्री सुमारे दीड ते दोन क्विंटलपर्यंत होते. मेहनत आणि नियोजनाच्या जोरावर आपल्या छोट्या व्यवसायाला आज मोठ्या फार्ममध्ये रूपांतरित केले आहे. त्यांच्या या यशोगाथाचे सर्वस्तरातून कौतुक होतं आहे.
