महाराष्ट्र हेडलाईन : Sujat Ambedkar : ज्या लोकांना नागरीकांचे प्रश्न सोडविता येत नाहीत ते सत्तेत का बसतात? असा प्रश्न वंचित बहुजन आघाडीचे युवा नेते सुजात आंबेडकर यांनी महाराष्ट्राचे उपमुख्यमंत्री अजित पवार यांना विचारला आहे. ते नांदेड येथे रविवारी प्रभाग क्रमांक ७ नागसेनगरमध्ये आयोजित संकल्प सभेत सुजात आंबेडकर बोलत होते.  (If you can't do the work of the citizens, why are you in power?; Sujat Ambedkar's question to Deputy Chief Minister Ajit Pawar)

शेतकऱ्यांचे हक्क आणि अधिकार सरकार कितीवेळेस खाऊन टाकणार :

अजित पवार यांनी शेतकऱ्यांचे कर्ज कितीवेळेस माफ करावे, असे वक्तव्य केल्यानंतर त्याचा समाचार घेतांना सुजात आंबेडकर म्हणाले, देवेंद्र फडणवीस, एकनाथ शिंदे, अतित पवार हे मोठ-मोठ्या उद्योगपतींचे कर्ज माफ करतात आणि शेतकऱ्यांचे कर्ज माफ करतांना उलट प्रश्न विचारतात. मी अजित पवार यांना विचारू इच्छीतो की, शेतकऱ्यांचे हक्क आणि अधिकार सरकार कितीवेळेस खाऊन टाकणार आहे हे त्यांनी सांगावे. सरकारमध्ये सत्तेत राहु तुम्हाला जनतेची कामे करता येत नाहीत तर तुम्ही सरकारमध्ये का जाता असा प्रश्न सुजात आंबेडकर यंानी विचारला.

तुमच्या हक्काचे प्रश्न सोडविण्यासाठी मी आपल्यासमोर उभा आहे :

सध्या येणाऱ्या स्थानिक स्वराज्य संस्था निवडणुकांच्या पुर्व तयारीसाठी आपण एकत्र आलो आहोत. असे सांगत आपल्या भाषणाची सुरूवात करतांना सुजात आंबेडकर म्हणाले की, तुमचे प्रश्न, तुच्या दैनंदिन जीवनाचे प्रश्न, तुमच्या वस्तीचे प्रश्न, तुमच्या हक्काचे प्रश्न सोडविण्यासाठी मी आपल्यासमोर उभा आहे आणि त्यासाठी मला आपण वंचित बहुजन आघाडीच्या उमेदवारांना निवडूण द्यावे, अशी अपेक्षा आपल्याकडून आहे. वंचित बहुजन आघाडीला हवी तेवढी भरारी अद्याप मिळाली नाही. त्याचे कारण स्पष्ट करतांना सुजात आंबेडकर म्हणाले, सत्तेची ताकत आमच्या हातात आलीच नाही आणि ती मिळविण्यासाठीच मी प्रयत्नशिल आहे.

निवडुण आला तरच तुमचे प्रश्न सोडविले जातील :

वंचित बहुजन आघाडीची उमेदवारी तुमच्या बंधूंना मिळणार, तुमच्या घरातल्या माणसाला मिळणार, तुमच्याच गल्लीतील माणसाला मिळणार तर मग त्याला निवडूण देण्याची जबाबदारी सुध्दा घरातील माणसांचीच आहे म्हणजेच तुमच्या सर्वांची आहे. तो निवडुण आला तरच तुमचे प्रश्न सोडविले जातील. नाही तर आजपर्यंत भारताच्या स्वातंत्र्यानंतर ७७ वर्षानंतर सुध्दा तुमचे प्रश्न तसेच उभे आहेत, असे आंबेडकर यांनी सांगितले. 

याप्रसंगी कार्यक्रमाचे आयोजक राहुल सोनसळे म्हणाले, आपले काम करत असतांना त्याला नकार मिळतो आणि तो नकार आमच्यासाठी त्रासदायक असतो. इतरांना मात्र त्याच कामाच्या सुविधा मिळतात. म्हणून आमच्यावरचा अन्याय सुरूच आहे.