महाराष्ट्र हेडलाईन : latest rain update in maharashtra : पाऊस राज्याची पाठ सोडायला तयार नाही. सततच्या पावसाने बळीराजा त्रस्त झाला आहे. पिकांचे प्रचंड नुकसान झाले आहे. पाऊस थांबण्याचे नाव घेत नाही तर, हिवाळ्याला सुरुवात होऊ नये अद्याप थंडीची प्रतीक्षा आहे. (Indian Meteorological Department Has Issued Heavy Rain Warning And Alert In Maharashtra)

 दरम्यान, भारतीय हवामान विभागाने पावसाचा मोठा इशारा देण्यात आला. फक्त राज्यच नाही तर देशातील काही भागात आज अतिमुसळधार पावसाचा अलर्ट जारी केला आहे. अरबी समुद्रात कमी दाबाचा पट्टा कायम असल्याने पुढील काही दिवसही पाऊस असण्याचे संकेत आहेत. कोकण, मध्य महाराष्ट्र, गुजरात, गोवा, पश्चिम बंगाल, सिक्किम, बिहार या भागात पावसाचा अलर्ट आहे. अंदमान निकोबार येथे अतिमुसळधार पाऊस होईल. मध्य महाराष्ट्रात ५ तारखेपर्यंत मुसळधार पाऊस होणार असल्याचा अंदाज भारतीय हवामान विभागाचा आहे. पुढील काही दिवसही पावसाचे संकट कायम असणार आहे. 

भारतीय हवामान विभागाकडून अलर्ट जारी :

पुढील २४ तास कोकणासह मध्य महाराष्ट्र आणि मराठवाड्यात मध्यम ते मुसळधार पाऊस होऊ शकतो. नंदूरबार, जळगाव, धुळे, आहिल्यानंतर, पुणे, नाशिक, सातारा, कोल्हापूर, बीड, जालना, परभणी, छत्रपती संभाजीनगर, नांडेद, लातूर, रत्नागिरी, सिंधुदुर्ग या भागात पावसाची शक्यता आहे. मागे झालेल्या अतिवृष्टीत सर्वाधिक नुकसान मराठवाड्याचे झाले होते. मोठा पाऊस मराठवाड्यात झाला.

पावसाने मशागतीची कामे खोळंबली :

अतिवृष्टी व पूराच्या पाण्यात जिल्ह्यात काही ठिकाणी जमिनी खरडून गेल्या आहेत. तसेच मागील काही दिवसांपासून सतत पाऊस पडत असल्याने रब्बीची कामे खोळंबली आहेत. यात प्रामुख्याने वखरणी, नांगरणी,  पणजी, आदी कामे होणे बाकी आहेत. याशिवाय काही शेतकऱ्यांचे सोयाबीन कापणी शिल्लक आहे. तसेच अतिवृष्टीनंतर राज्य सरकारने शेतकऱ्यांना मदत जाहिर केली. मात्र, काही भागात अजूनही ही मदत पोहोचली नसल्याचा आरोप केला जात आहे. मोंथा चक्रीवादळामुळे राज्यात पाऊस असल्याचे सांगितले जात होते. मात्र, मोंथा चक्रीवादळ शांत झाले असूनही देशातील विविध भागांमध्ये पावसाच्या सरी कोसळताना दिसत आहेत.