महाराष्ट्र हेडलाईन : crime news : नांदेड जिल्ह्यातील किनवट तालुक्यात दिड महिन्या पूर्वी एका व्यक्तीचा नदीत मृतदेह आढळला होता. पोलिसांनी आकस्मिक मृत्यूची नोंद केली होती. मात्र, या घटनेने आता वेगळेच वळण घेतले आहे. अनैतिक संबधात अडसर ठरत असलेल्या पतीचा पत्नीनेच प्रियकराच्या मदतीने काटा काढल्याचा धक्कादायक खुलासा तपासा दरम्यान, उघडकीस आला आहे. प्रियकराने दारू पाजवून प्रियसीच्या पतीला नदीत फेकून दिले. विनोद किसन भगत ( ५२) असे मृताचे नाव आहे.  (Husband was becoming an obstacle in an immoral relationship! Wife got rid of her husband with the help of her lover)

या प्रकरणी पोलिसांनी पत्नी प्रियंका आणि तिचा प्रियकर शेख रफिक याला ताब्यात घेत खून आणि अॅट्रॉसिटीसह इतर कलमान्वये गुन्हे दाखल केला आहे. या घटनेने किनवट तालुक्यात खळबळ उडाली आहे.

किनवट शहराच्या मथुरानगर येथील रहिवाशी विनोद किसन भगत ( ५२) यांचे प्रियंका यांच्याशी सन २००३ मध्ये लग्न झाले होते. त्यांना १ मुलगा व १ मुलगी असे दोन अपत्यही आहेत. गोकुंदा उपजिल्हा रुग्णालय परिसरातील अशोकनगर येथे विनोद भगत यांच्या मालकीचे चार खोल्याचे आरसीसीचे घर होते.

सदर घर विनोद यांची पत्नी प्रियंका भगतने तिच्या ओळखीतल्या शेख रफीक शेख रशीद याच्या मदतीने ३० लाखाला विकले. याच व्यवहारातून शेख रफीक याने प्रियंका भगत हिच्याशी जवळीक साधली. पैशाच्या कारणावरून विनोद, प्रियंका या पती पत्नीत वाद होत असे. दरम्यान, रफीक व प्रियंकाच्या ओळखीचे रूपांतर प्रेमात झाले. याची कुणकुण विनोद यांना लागली होती. यावरून दोघांमध्ये नेहमी भांडण होत. शेवटी पतीचा काटा काढण्याचा निर्णय पत्नी आणि तिच्या प्रियकराने घेतला. दोघानी मिळून कट रचला. २९ ऑगस्ट रोजी संशयित आरोपी शेख रफिक याने विनोदला घेऊन मराठवाडा आणि विदर्भला जोडणाऱ्या पैनगंगा येथील खरबी पुलावर पोहचला. त्यानंतर आरोपीने विनोदला दारू पाजवली आणि पुलावरून नदीत फेकून दिले.

पती चार दिवसापासून गायब असल्याचा केला बनाव :

घटनेच्या चार दिवसा नंतर म्हणजेच ३ सप्टेंबर रोजी पत्नी प्रियंका ही किनवट पोलीस ठाण्यात पोहचून आपला पती चार दिवसा पासून गायब असल्याचा बनाव केला. पोलिसांनी मीसिंग दाखल करत विनोद भगत याचा तपास सुरु केला. याच दरम्यान पोलिसांना पैंनगंगा नदीत त्याचा मृतदेह आढळून आला. इकडे मृताच्या बहिणीने घातपात असल्याचा संशय व्यक्त केला. पोलिसांनी आकस्मिक मृत्यूची नोंद करत तपास सुरु केला. 

खाकीचा धाक दाखवताच दोघांनी खुनाची दिली कबुली :

तपासा दरम्यान, पोलिसांनी फोन कॉल तपासले असतात मृताच्या पत्नीच्या मोबाईलवरून संशयित आरोपी रफिक सोबत नेहमी संवाद होतं होता. पोलिसांनी दोघांना ताब्यात घेऊन कसून चौकशी केली. खाकी वर्दीचा धाक दाखवताच दोघांनी खुनाची कबुली दिली. अनैतिक संबंधात अडथळा ठरत असल्याने विनोद भगत याचा काटा काढल्याचे दोघांनी सांगितले.