महाराष्ट्र हेडलाईन्स : Vishnupuri doors closed : मागील सहा दिवसांपासून डॉ शंकरराव चव्हाण विष्णुपुरी प्रकल्पाचे १७ दरवाजे उघडेच होते. दरम्यान, वरिल प्रकल्पांमधून पाण्याचा येवा कमी झाल्याने शुक्रवारी (दि.३) एक-एक करत सायंकाळी सहा वाजेपर्यंत सर्व दरवाजे बंद करण्यात आले. (After six days, all the doors of Vishnupuri were closed)

आता पूर्वपदावर..

जायकवाडी धरणातून दि. २८ सप्टेंबर रोजी सोडलेले सुमारे ३ लाख क्युसेक पाणी गुरुवारी (दि.२) रात्री नांदेडमध्ये दाखल झाले. दरम्यानच्या प्रकल्पांमध्ये पाण्याचा साठा करण्यात आल्याने त्याचा येवा तेवढा वाढला नाही. तसेच पाण्याचा वेगही मंदावला होता. दि. २ ऑक्टोबरच्या नोंदीनुसार जायकवाडी धरणातून ३ हजार ८३७ दलघमी तर बाभळी बंधाऱ्यातून २० हजार ५८९.२३६ दलघमी पाणी सोडण्यात आले.

या काळात गोदावरी नदी पात्रात पाण्याचा विसर्ग :

ऑक्टोबर उजाडला तरी सर्वच धरणातून विसर्ग सुरु होता. दरम्यान, दि. २८ रोजी जायकवाडीमधून सुमारे ३ लाख क्युसेस पाणी सोडण्यात आले होते. दि. ३० रोजी सुद्धा विसर्ग बऱ्याच प्रमाणात सुरु होता. परंतु दि. १, २ ऑक्टोंबरपासून तो कमी होत आज दुपारी दोन दरवाज्यातून २२ हजार २४८ क्युसेस विसर्ग करण्यात आला. त्यानंतर सायंकाळी ६.५ वाजता उघडण्यात आलेले सर्व दरवाजे बंद करण्यात आले. या काळात गोदावरी नदी पात्रात मोठयाप्रमाणात पाण्याचा विसर्ग करण्यात आला. सतत धोक्याची स्थिती निर्माण झाली होती. आता पूर्वपदावर येत आहे.