Instagram follow neighbors clash : ऐकावे ते नवल..! माझ्या नवऱ्याला 'इन्स्टा'वर फॉलो का केलेस?' शेजारणींच्या दोन गटांत रस्त्यात तुंबळ हाणामारी!

Share News

Instagram follow neighbors clash : ऐकावे ते नवल..! माझ्या नवऱ्याला 'इन्स्टा'वर फॉलो का केलेस?' शेजारणींच्या दोन गटांत रस्त्यात तुंबळ हाणामारी!

Share News

महाराष्ट्र हेडलाईन : Instagram follow neighbors clash : छोट्या छोट्या वादाचं रूपांतर तुंबळ हाणामारीवर कधी जाईल याचा नेम नाही. सध्या सोशल मीडियाचा वारं एवढं जोमात आहे. अनेकांना भुरळ घातली आहे. यातूनच दोन शेजारणीच्या गटात रस्त्यावर तुंबळ हाणामारीची घटना छत्रपती संभाजीनगर मध्ये घडली आहे. (Why did you follow my husband on Instagram?' Two groups of neighbors clash in the street!)

नवरा माझा आणि त्याला फॉलो करतेस तू?' या एका वाक्याने सोशल मीडियावरील वाद थेट रस्त्यावर उतरला. शेजारी राहणाऱ्या दोन कुटुंबातील महिल्यांच्या गटांत तुफान हाणामारी झाली. हा हाय-व्होल्टेज ड्रामा बुधवारी (८ ऑक्टोबर) रात्री छत्रपती संभाजीनगर शहरातील आंबेडकरनगरच्या गल्लीमध्ये झाला. सिडको पोलिस ठाण्यात दाखल तक्रारीनुसार, शेजारच्या महिलेने आपल्या पतीला इन्स्टाग्रामवर फॉलो केल्याच्या संशयावरून ही लढाई पेटली.

वादाचे रुपांतर थेट हाणामारीत :

या प्रकरणातील आंबेडकरनगरमधील गल्ली क्रमांक ९ येथे राहणाऱ्या ३१ वर्षांच्या महिलेने पोलिसात तक्रार दिली. फिर्यादी महिला आपल्या घरासमोर असताना शेजारी राहणारी महिला तेथे आली. 'माझ्या नवऱ्याला तू इन्स्टाग्रामवर फॉलो का केलेस?' असा जाब त्यांनी विचारला. 'मी नाही, तर उलट तुमच्या नवऱ्यानेच मला फॉलो केले आहे,' असे फिर्यादी महिला समजावून सांगत होत्या. पण, संतापाने पेटलेल्या शेजारीण काहीही ऐकून घेण्याच्या मनःस्थितीत नव्हत्या. त्यामुळे दोघींमध्ये शाब्दिक चकामक सुरू झाली. काही वेळाने या वादाचे रुपांतर थेट हाणामारीत झाले.

दोन महिलांवर सिडको पोलिस ठाण्यात गुन्हा दाखल :

गल्लीमध्ये सुमारे अर्धा तास चाललेल्या या तुंबळ हाणामारीमुळे परिसरात मोठी गर्दी जमली. घटनेची माहिती मिळताच फिर्यादीचा भाऊ घटनास्थळी दाखल झाला आणि त्याने जखमी महिलेला तातडीने रुग्णालयात नेले. या प्रकरणी शेजारी राहणाऱ्या महिलेसह अन्य दोन महिलांवर सिडको पोलिस ठाण्यात गुन्हा दाखल करण्यात आला आहे. हवालदार विद्या राठोड या घटनेचा पुढील तपास करत आहेत.

डोक्यात मारला दगड :

आरोपी महिलेसोबत असलेल्या अन्य दोन महिलांनी फिर्यादींना शिवीगाळ करण्यास सुरुवात केली. या वादात मुख्य आरोपीची नणंदही सहभागी होती. तिने दगड उचलून थेट फिर्यादीच्या डोक्यात मारला. यात फिर्यादी महिला जखमी झाली.

Prev Article
Maharashtra Cabinet Decisions : राज्य मंत्रिमंडळाचा मोठा निर्णय, तुकडाबंदी कायद्यात सुधारण्यास मंजुरी, छोट्या प्लॉट धारकांना दिलासा, वाचा सविस्तर
Next Article
Approval for two railway lines : केंद्र सरकारची महाराष्ट्राला दिवाळी भेट...!; नागरिकांना खूप फायदा होणार