महाराष्ट्र हेडलाईन्स : बहुप्रतिक्षीत मुंबई-जालना वंदे भारत एक्सप्रेसचा नांदेडपर्यंत विस्ताराचा अखेर मुहूर्त ठरला असून २६ऑगस्टपासून ती नांदेड स्थानकावरून धावणार आहे. यासंबंधीचे रेल्वे बोर्डाने अधिकृत पत्र काढले आहे. दरम्यान, जालना व छत्रपती संभाजीनगर येथील नागरिकांमधून नाराजी व्यक्त केल्या जात आहे. कारण ही गाडी जालण्यावरून सकाळी ४.५० वाजता निघायची व मुंबई येथे दुपारी १२ वाजता पोहचायची आता नांदेडवरून सकाळी ५ वाजता निघणार आहे. मुंबई येथे दुपारी २.१० वाजता पोहचेल. यामुळे नेहमी पेक्षा दोन तास उशिराने मुंबईत गाडी पोहचणार असल्याने जालना व छत्रपती संभाजीनगर येथील प्रवाशी व संघटना नांदेड विस्ताराला विरोध करत आहे.
केंद्रीय रेल्वे मंत्रालयाने काढले १२ जून रोजी प्रसिध्दी पत्रक :
प्रामुख्याने बहुप्रतिक्षीत मुंबई -जालना वंदेभारत एक्सप्रेसचा नांदेडपर्यंत विस्तारासाठी मोठ्याप्रमाणात प्रवाशी संघटनेकडून सातत्याने मागणी होत होती. विद्युतीकरण होऊन जवळपास एक वर्ष उलटले आहे. त्यामुळे विस्तार प्रलंबीत राहिला होता. दरम्यान, केंद्रीय रेल्वे मंत्रालयाने १२ जून रोजी प्रसिध्दी पत्रक काढले आहे. यात नांदेड-मुंबई वंदे भारत एक्सप्रेस ( २०७०५ ) रेल्वे बुधवार वगळता दररोज सकाळी ५ ला नांदेड येथून निघणार आहे, पुढे परभणी येथे ५-४०, जालना ७.२०, संभाजीनगर ८.१५, अंकाई ९.४०, मनमाड ला १०, नासिक ११, कल्याण यथे दुपारी १.२०, थाणे १.४०, दादर २.१० आणी आखेर मुंबई सीएसटी येथे दुपारी २.२५ ला पोहोचणार आहेत. परतीत मुंबई-नांदेड वंदे भारत एक्सप्रेस (२०७०६ ) मुंबई सीएसटी येथून गुरुवार वगळता दररोज दुपारी १.१० ला रवाना होणार आहेत. पुढे दादर १.१७, थाणे १.४०, कल्याण २.०५, नासिक रोड ४.१८, मनमाड सायंकाळी ५.१८, अंकाई ५.५०, संभाजीनगर ७.०५, जालना रात्री ८.०५, परभणी ९.४३ आणी आखेर नांदेड येथे रात्री १०.५० ला पोहोचणार आहे, असे नमुद केले आहे. मात्र, तारखेचा उल्लेख करण्यात आला नव्हता.
साडे आठ तासांत मुंबईला पोहचणार :
दरम्यान, आज (दि.८) रेल्वे बोर्डाने प्रसिद्ध पत्रक काढून अधिकृत २६ऑगस्टची तारीख घोषित केली. परभणी आणि नांदेडकरांना प्रथमच वंदे भारत एक्सप्रेसची सुविधा मिळणार आहेत. साधारण १८०० ते ३ हजार रूपये नांदेड वरून तिकीट दर असणार असून नऊ तासांत मुंबई पोहचणार आहे.२० डब्यांचे दोन रेक असणार असून भगव्या रंगाची वंदे भारत एक्सप्रेस नांदेड-मुंबई धावणार आहे. अनावश्यक स्लॅक टाईम कमी करून मुंबईला साडेआठ तासांत म्हणजेच दुपारी दीड वाजेपर्यंत पोहोचवण्याची गरज आहे.जल्लोषात स्वागतासाठी नांदेडकर सज्ज! : खा. अशोक चव्हाण :
मुंबई-नांदेड वंदे भारत एक्सप्रेसच्या एक्सप्रेसच्या मुहूर्त ठरल्यानंतर खा. अशोक चव्हाण यांनी जल्लोषात स्वागतासाठी नांदेडकर सज्ज असल्याची प्रतिक्रिया दिली आहे. याबाबत खा. अशोक चव्हाण यांनी समाज माध्यमांवर व्यक्त केलेल्या प्रतिक्रियेतून त्यांचा आनंद प्रकर्षाने झळकत होता. वंदे भारत एक्सप्रेसच्या निर्णयासाठी त्यांनी मोदी सरकारचे आभार मानले असून, नांदेडकरांचे अभिनंदन केले आहे.
