महाराष्ट्र हेडलाईन्स : साप म्हटलं की, अंगावर शहारा येतो. साप पाहिला तरी अनेकांची बोबडी वळते. अशातच जर साप विशालकाय आणि विषारी असेल, तर आणखीच घाबरगुंडी उडू शकते. त्यातच एक महाकाय किंग कोब्रा तुमच्या अंथरुणाजवळ सरपटत येतोय! अशावेळी कोणाचीही झोप उडेल आणि भीतीपोटी किंचाळून माणूस दूर पळेल. अशीच एक हृदयद्रावक घटना नुकतीच एका कुटुंबासोबत घडली, ज्याचा व्हिडीओ सध्या सोशल मीडियावर प्रचंड व्हायरल होत आहे. Snake viral video big king cobra rescue

उत्तर प्रदेशातील बागपत जिल्ह्यातील छपरौली शहरात ही धक्कादायक घटना घडली. रात्रीच्या वेळी एक कुटुंब आपल्या बेडरूममध्ये गाढ झोपले होते. अचानक कुटुंबातील काही सदस्यांना मोठ्या फुसफुसण्याचा आवाज येऊ लागला. या आवाजाने त्यांना जाग आली. जेव्हा कुटुंबातील एका सदस्याने डोळे उघडून बेडरूमचा दरवाजा उघडला, तेव्हा समोरच एक भलामोठा किंग कोब्रा फणा काढून बसलेला दिसला. हे दृश्य पाहून कुटुंबातील सदस्य प्रचंड घाबरले, कारण तो किंग कोब्रा फणा पसरवून रागाने मोठ्याने आवाज करत होता आणि हल्ल्याच्या तयारीत होता. सुदैवाने, वेळीच जाग आल्याने कुटुंबातील सदस्य बचावले.

व्हायरल झालेला व्हिडिओ पाहण्यासाठी येथे क्लिक करा :

बचाव पथकाला बोलावण्यात आले : 

यावेळी कुटुंबाप्रमुखाने मोठ्या धैर्याने कुटुंबातील सर्वांना हळूहळू सुरक्षितपणे खोलीतून बाहेर काढले. त्यानंतर तात्काळ बचाव पथकाला बोलावण्यात आले आणि त्यांनी किंग कोब्राला सुरक्षितपणे ताब्यात घेतले. हा व्हिडीओ पाहणाऱ्या अनेकांना धक्का बसला आहे.

कोब्राने कोणाला दंश केला असता तर.. 

जर या कोब्राने कोणाला दंश केला असता, तर त्यांचा मृत्यू निश्चित होता, अशी भीती अनेकांनी व्यक्त केली आहे. पावसाळ्यात साप कोरड्या जागेच्या शोधात बाहेर पडतात, त्यामुळे सर्वांनी सावधगिरी बाळगावी आणि सतर्क राहावे, अशा प्रतिक्रियाही अनेक जण देत आहेत.

फुसफुसण्याचा आवाज मोठा होता :

किंग कोब्राचा हा थरारक VIDEO व्हिडीओ @hindipatrakar नावाच्या इन्स्टाग्राम अकाउंटवर पोस्ट करण्यात आला आहे. त्याच्या कॅप्शनमध्ये लिहिले आहे की, “काल रात्री बागपतमधील एका घरात एक कोब्रा साप शिरला. त्याच्या फुसफुसण्याचा आवाज इतका मोठा होता की, आत झोपलेल्या लोकांना लगेच जाग आली.”