महाराष्ट्र हेडलाईन्स : Godavari river in severe flood :  मराठवाडयात मागील तीन द‍िवसांपासून पावसाचा जोर वाढला आहे. त्यामुळे नदी, नाल्या ओसांडून वाहत आहेत. नांदेड शहरालगतच्या विष्णुपुरी प्रकल्पाच्या वरच्या भागातून गोदावरी नदीमध्ये पाण्याचा प्रचंड येवा सुरू आहे. त्यामुळे गोदावरी नदी पात्रात विसर्ग करण्यात येत आहे. पूरस्थिती निर्माण झाली आहे. गोदावरी नदीवरील पुलावरून पाणी गेल्याने नांदेडसह, लोहा, बिलोली, नायगाव व धर्माबाद तालुक्यातील काही गावांचा तालुक्याशी असलेला संपर्क मंगळवारपासून तुटला आहे. तर, सायंकाळच्या सुमारास नांदेडमधील साईबाबा मंदिरकडे जाणारा वसरणी रस्ता, गायत्री मंदीर व गाडीपुरातील गणपती मंदिरकडे जाणारा रस्ता बंद झाला होता.  (Godavari river floods; Villages lose contact as water overflows bridge)

नागरिकांना सतर्क राहण्याच्या सूचना :

नांदेड तालुक्यातील काला पूल जवळील अतिक्रमण असलेले घरे पूर्ण पाण्यात गेली आहेत. किकी राहेगाव पुलावरून पाणी वाहत आहे. त्यामुळे राहेगावचा संपर्क नेहमीप्रमाणे तुटला आहे. भनगी-वाहेगाव संपर्क तुटला आहे पुला वरुन पानी वाहत आहे. तसेच लोहा तालुक्यातील बेटसांगवी येथे आलेल्या पुराच्या व बॅक वॉटरमुळे बेटसांगवी शेवडी रास्ता वाहतूक बंद आहे. बिलोली तालुक्यातील चिरली ते जरिकोट मार्ग पूर्ण बंद झाला आहे. चिरली गोदावरी नदी पुलावरून पाणी जात आहे नागरिकांना सतर्क राहण्याच्या सूचना देण्यात आल्या. नायगांव तालुक्यातील गोदावरीच्या बॅक वॉटर मूळे कुंटूर ते सांगवी व हुस्सा ते राहेर रस्ता बंद झाला आहे. तसेच नदी व नाले काठावरील शेतात सर्वत्र पाणी साचले आहे. धर्माबादमधील कारेगाव पूलालालागून नदीचे पाणी वाहत आहे. सर्तकता ठेवली आहे. दिग्रस गोदावरी ब्रिज पुलावरुन पाणी वाहत आहे. बेलूर कंदकुर्ते मार्गावरील गोदावरी वरील पुलावरून पाणी जात आहे. त्यामुळे हा मार्ग वाहतूकीस बंद आहे.