महाराष्ट्र हेडलाईन्स : train 4.9 lakh fine collected : नांदेड विभागात ६ ऑक्टोबर २०२५ रोजी सकाळी ०५.३० ते रात्री २०.०० वाजेपर्यंत व्यापक तिकीट तपासणी मोहीम राबविण्यात आली. या मोहिमेदरम्यान एकाच दिवशी १२०२ विनातिकीट / अनियमित प्रवासी तसेच अनबुक्ड सामानासह प्रवास करणाऱ्यांवर कारवाई करण्यात आली. ही १ मे २०२५ नंतरची सर्वाधिक एकदिवसीय कारवाई ठरली असून, एकूण ४.९ लाख दंड व तिकीट रक्कम वसूल करण्यात आली. (4.9 lakh fine collected from 1202 ticketless passengers in a single day)

पूर्णा–अकोला या मार्गांवरील अनेक एक्सप्रेस व प्रवासी गाड्यांची सखोल तपासणी..

या मोहिमेत मनमाड–औरंगाबाद, परभणी–परळी, परभणी-नांदेड, आदिलाबाद–मुदखेड आणि पूर्णा–अकोला या मार्गांवरील अनेक एक्सप्रेस व प्रवासी गाड्यांची सखोल तपासणी करण्यात आली. एकूण २१ गाड्यांची तपासणी करण्यात आली. प्रमुख गाड्यांमध्ये सचखंड एक्सप्रेस, मराठवाडा एक्सप्रेस, बेंगळुरू एक्सप्रेस, नांदिग्राम एक्सप्रेस, पनवेल एक्सप्रेस, यशवंतपूर एक्सप्रेस, श्रीगंगानगर एक्सप्रेस, नर–काचिगुडा इंटरसिटी एक्सप्रेस, देवगिरी एक्सप्रेस, संबलपूर एक्सप्रेस तसेच पूर्णा–आदिलाबाद, पूर्णा–अकोला आणि नरसापूर–नगरसोल–चेन्नई एक्सप्रेस या प्रवासी गाड्यांचा समावेश आहे. या मोहिमेत ३२ तिकीट तपासणी कर्मचारी आणि रेल्वे संरक्षण दल (RPF) यांनी सक्रिय सहभाग घेतला.

 तीव्र तपासणी मोहिमा पुढेही सातत्याने राबविण्यात येतील :

ही मोहीम सहाय्यक वाणिज्य व्यवस्थापक एन. सुब्बाराव यांच्या नेतृत्वाखाली, वरिष्ठ विभागीय वाणिज्य व्यवस्थापक डॉ. जे. विजय कृष्ण, विभागीय वाणिज्य व्यवस्थापक रितेश कुमार यांच्या मार्गदर्शनाखाली, तसेच प्रधान मुख्य वाणिज्य व्यवस्थापक श्रीमती इती पांडे, आणि विभागीय रेल्वे व्यवस्थापक प्रदीप कामले यांच्या निर्देशानुसार राबविण्यात आली. दरम्यान, नेहमी वैध तिकिटासह प्रवास करावा व दंडात्मक कारवाई टाळावी. अशा तीव्र तपासणी मोहिमा पुढेही सातत्याने राबविण्यात येतील, ज्यामुळे प्रामाणिक प्रवाशांना अधिक सुविधा आणि सुरक्षितता मिळेल, असे आवाहन रेल्वे विभागाच्या वतीने करण्यात आले आहे.